1- қазан қарттар мерекесі күніне орай «Біртұтас тәрбие бағдарламасы» жоспарына сәйкес мектебіміздің кіші орталық тәрбиеленушілері өздерінің кішкентай жүректерінің лебізін білдірді.
Қарты бардың — қазынасы бар демекші, үлкенді сыйлау, оларға құрмет көрсету – ата - бабадан келе жатқан салтымыз. Қарияларымыздың өмірлік тәжірибелері мен ақыл - кеңестері, тәлім-тағылымдарының біз үшін орны бөлек.
Отбасында баланы жастайынан үлкендерге, ата-аналарға құрметпен қарауға үйретеді. Бұл ұрпақтар байланысын және дәстүр сабақтастығын сақтауға ықпал етеді.
Қарттар күні – егде жастағы адамдардың мемлекет пен қоғам алдындағы еңбегін ерекше құрметтеудің, сондай - ақ қарттарға қолдау көрсету, олардың тұрмысын жақсарту мен өмір сүру ұзақтығын арттыру сияқты мәселелерге назар аударудың символы.
Ең бастысы – қарияларға көңіл бөлу, балалар мен немерелердің, туған-туыстар мен жақындардың сүйіспеншілігі мен қамқорлығы. Қарттарымыз аман жүрсін!
Тәрбиешісі:Байбатшаева Н.Т
#Біртұтас_тәрбие
#қарттаркүні
